"SINA TIMU"

 
 Hii ni kauli aliyoitoa kocha wa Real Madrid Jose Mourinho mara baada ya kushuhudia timu yake ya  Los Blancos au Real Madrid kama tunavyioifahamu kufungwa na timu ya Sevilla katika mechi iliyochezwa uwanja wa Ramon Sanchez Pizjuan katika mwendelezo wa Ligi Kuu ya soka nchini Hispania.Iliwachukua Sevilla dakika mbili katika kipindi cha kwanza ambapo mchezaji Piotr Trochowski aliipatia klabu hiyo ya Sevilla goli la kuongoza ambalo lilidumu kwa vipindi vyote viwili na kuifanya timu ya Real Madrid kukubali kipigo cha pili katika wiki nne na kipigo cha pili cha msimu.Wiki tatu zilizopita klabu hiyo pia ilikubali kichapo toka kwa klabu ya Getafe katika uwanja wa Collesium Alfonso Perez na hivyo kuwa na rekodi mbaya sana katika mechi za ugenini msimu huu.Kocha wa mabingwa hao watetezi Jose Mourinho anasema kuwa "timu haikucheza vizuri kabisa na ilipwaya sana.Ilikosa morali na haikuwa na mwelekeo.Sevilla walistaili ushindi na walikuwa bora kuliko sisi na kwa hakika kwa sasa sina timu bora."Haya yalikuwa maneno ya Mourinho wakati wa mkutano wake na waandishi wa habari mara baada ya mechi dhidi ya Sevilla kumalizika.Klabu hiyo ya Real Madrid watakuwa tena na kibarua kigumu wiki ijayo siku ya Jumanne ambapo watawavaa matajiri wa Manchester klabu ya Man City katika michuano ya Klabu Bingwa Barani Ulaya.
Matokeo mengine ya La Liga ni haya.

• Malaga

  

  3 - 1

  Final

  

  Levante
• Valencia

  

  2 - 1

  Final

  

  Celta