MICHUANO YA TENNIS

Serena William

WACHEZAJI nyota wa tenisi Victoria Azarenka na Serena Williams wamefanikiwa kutinga mzunguko wa pili wa michuano ya wazi ya Australia baada ya kushinda michezo yao ya ufunguzi. Williams anayeshika namba tatu katika orodha za ubora duniani alifanikiwa kumfunga Edina Gallovits-Hall wa Romania kwa 6-0 6-0 pamoja na kuumia kifundo cha mguu wakati akiongoza katika seti ya kwanza. Azarenka ambaye ni kinara katika orodha za ubora naye alifanikiwa kuanza vyema kampeni zake za kutetea taji hilo baada ya kumfunga Monica Niculescu pia wa Romania kwa 6-1 6-4katika mchezo wa uliochezwa katika Uwanja wa Rod Laver Arena jijini Melbourne. Kwa upande wanaume Andy Murray a mbaye anashika namba tatu katika orodha za ubora alifanikiwa kuanza vyema michuano hiyo kutafuta taji la pili la Grand Slam baada ya kumfunga Robin Haase wa Uholanzi kwa 6-3 6-1 6-3. Wakati Roger Federer ambaye ni bingwa mara nne wa michuano hiyo naye alisonga mbele baada ya kumsambaratisha mfaransa Benoit Paire 6-2 6-4 6-1 akitumia muda wa saa moja na dakika 23.